2019 жылдың 11 шілдесінде Нұр-Султан қаласының Кәсіпкерлер палатасының мәжіліс залында, тауарлар мен көрсетілетін қызметтердің сапасы мен қауіпсіздігін бақылау Департаменті мамандарымен бірлесіп, шағын және орта бизнес басшыларына арналған «Бизнес құрылымдарында АИТВ-ның алдын алу» тақырыбында семинар өткізілді.

Семинардың мақсаты бизнес көшбасшыларының АИТВ және ЖИТС мәселелері бойынша хабардарлығын арттыру. Іс-шара барысында ЖИТС орталығының дәрігер эпидемиологы Д.Бексултанова «Білу маңызды!» презентациясымен таныстырды және іскер адамдарға АИТВ індетін жұқтырудың алдын алу жолдары мен шаралары туралы еске салды. Барлық қатысушыларға ақпараттық-білім беру материалдары таратылды.